es Asaz para glorja dela qual no negaras que heres muy cobdiçioso por muy virtuoso que seas Responderas poco te paresçe mj gloria o otorgo çesar que sea grand para o tros muchos pero mas para ty es poco & toda cosa por grande que sea es pequenna sy Alguna Ay mayor & çesar sy este Auja de ser el fin & saljda de tus fechos non mortales Conviene A saber que vençidos los contrarios dexases la Cosa publica en Aquel estado que Agora esta. mjra bien. yo te Ruego sy en virtud divjnal avra mas de maravilla que no de gloria Ca la glorja es vna fama muy clara E muy esparzjda de grandes meresçjmjentos que ome Alcança çerca de sus çibdadanos o de su tierra o çerca de todo el ljnaje humanal pues avn esta parte te fallesçe esta obra te finca en esto Cunple que trabajes Conviene A saber que ordenes la Cosa publjca & que tu pria mente vses & Ayas plazer della con mucha/ folgança & paz del coraçon. Entonçes tu sy qujsyeres quando ovieres pagado A tu tierra natural lo que deves & Cunpljeres el curso dela natura conluenga vida entonçes dyras que as beujdo luengo tienpo & que cosa puede ser dicha mucha. enla qual finca Algunt Cabo & fin el qual despues que venjese el plazer pasado es Aujdo por nada por que despues del no se espera otro avn que se que tu coracon nunca fue contento de las Angustias & estrechuras quela Natura nos dyo para bjujr & syenpre heres cobdiçioso de ser ynmortal njn se deue dezjr tu vida esta que se Contyene entu Cuerpo & tu escri Aquella çesar. Aquella es tu vida que durara & es forçara por memoria de todos los syglos. la qual sera syenpre mantenjda por la postrimeria & defendyda por la eternjdad A esta vida as tu de serujr & a esta conviene que tu muestres la qual ya tyene muchas cosas. dignas de