Facsimile view

Tullio de la vegez

Repository	Biblioteca Nacional de España (Madrid, España)
Identifier	Mss/2617
Author	Alfonso de Cartagena (trad.); Cicero, Marcus Tullius

more header data

4r <

Page 4v

> 5r

oymos del platon el qual seyendo de ochenta & hun annos escriujendo es muerto E quaual la de socrates el qual aquel libro que llaman panatenico se dize que lo escriujo enel anno de su ujda xc iiijº. & biujo despues çinco annos el maestro del qual leonçio gorgias cumplio .c.vij. annos & nunca çeso en su estudio mj obra /. El qual como le preguntassen por que tan luengamente queria estar enla ujda. respondio por que non tengo cosa que acuse ala uegez O muy clara repuesta & digna de ombre ensennado Ca los nesçios los ujçios suyos & su culpa echan ala uegez / lo qual non fazia aquel de quien agora yo fago mençion Ca como fuerte cauallo que alas uezes enel postrimer espaçio de su ujda uençe el campo / agora cansado deuegez fuelga. Conparo su uegez al cauallo fuerte & uençedor del qual buenamente uos podedes acordar Ca enel anno de veynte & uno despues de su muerte son fechos consoles tulio & flamjneo & alto altilio & el morio seyendo otra uez consoles sçipion & felipo quando yo aujendo sesenta & çinco annos amonestaua la ley boconja con grand boz & buenos lados .conpanneros /. el auja setenta annos ca tantos biujo enjo E asy sofria dos cargas que paresçen muy grandes / pobreza & uegez que paresçia poco menos deleytarse con ellas E quando yo ayunto enel coraçon quatro cosas fallo por quela uegez paresçe mesqujna Dona que retrae delas cosas que se

Text view • Pageflow view • wordcloud • Manuscript line view