Facsimile view

Libro de Tulio de senetute

Group	ACOC
Summary	Prólogo que fizo el que lo romançó (fols. 1r - 4r). Digitalizado en: http://bdh.bne.es/bnesearch/detalle/bdh0000070811
Repository	Madrid - Biblioteca Nacional de España
Identifier	M BNE Ms. 7815 (PhiloBiblon) BETA texid 1444 manid 1679 cnum 960
Date	1422 a quo – 1440 ad quem
Author	Alfonso de Cartagena (trad.); Marcus Tullius Cicero

more header data

18v <

Page 19r

> 19v

deleytan los establesçimjentos delos mayores. E conesto la palabra que segund costunbre delos mayores se da por el soberano maestro enlos beueres. E los beueres asy commo enel semper[a3]onombre de ljbrosio de senofonte. muncho menudos. E commo Reçi amjento & esfriamjento enel estio. alas vezes /o sol /o fuego enel ynvierrno. las quales cosas ensabina suelo segujr & cunplo cada dia conbite delos vezinos. E qual fasta la gran noche quanto mas podemos con diuersas palabras lo alongamos/ ¶ capitulo viijº E non es delas deleytaçiones tamanno ençendimjento enlos viejos .creolo. mas njn el deseo tanpoco. non hay cosa triste la que non desees. bien dixo sofloques commo seyendo ya afljgido enla hedad vno le preguntase sy vsaua de luxuria. Respondio. diose mejores cosas. Ca yo desto foy commo de sennor montannes & malenconjoso .alos codiçiosos de tales cosas. aborresçible & por ventura triste. es caresçer. mas alos fartos & conpljdos mas alegre es caresçer que vsar. maguer que non caresçe el que non desea. Por ende este non desear. digo yo ser mas alegre. que sy destos mesmos deleytes la buena hedad vsa. mas de voluntad primera mente vsa de pequenas cosas segund deximos despues de aquellas mesmas de que la vegez

Text view • Pageflow view • wordcloud • Manuscript line view