EN | ES Acceso

Facsimile view

ACOC022.006

100v < Page 101r
El atamjento delas manos signjfica que la orden del benefiçio que passa por las manos sse torna alas manos del que lo da. Dançan reyendo por que las caras delos meresçientes & delos que dan & resçiben los benefiçios siempre estan alegres. Jouenes eran por quanto nunca envejeçe la memoria delos benefiçios Virgines eran por quanto los benefiçios deuen sseer limpios. Las vesstiduras traen sueltas & resplandeçientes & trassparentes. Por quanto adar los benefiçios njnguno non deue sser atado njn Costrenjdo. E assi esso messmo eran resplandesçientes por quanto los benefiçios deuen resplandessçer por que de todos sean acatados.

Text view